واشنگٹن: (دنیا نیوز) امریکی صدر ڈونلڈ ٹرمپ امریکا میں کرپشن منظرعام پر آنے پر سیخ پا ہوگئے، حکومتی اخراجات میں جاری کٹوتیاں روکنے پر جج پر کڑی تنقید بھی کی۔
امریکی صدر ڈونلڈ ٹرمپ نے میڈیا سے گفتگو کرتے ہوئے کہا کہ اربوں ڈالر کی کرپشن کی گئی جو سامنے آچکی ہے، امریکی عوام کے ٹیکس کی رقم کا غلط استعمال روکیں گے، جج وہ کام کرنے دیں جس کیلئے منتخب ہوا ہوں، جج فراڈ کا پتہ چلانے سےکیسے روک سکتے ہیں؟
ڈونلڈ ٹرمپ نے کہا کہ انتظامیہ کو روکنے میں ملوث جج سیاست کر رہا ہے، ہمیشہ عدلیہ کے فیصلوں پر عمل کرتا ہوں، فیصلے کے خلاف اپیل سے معاملے میں تاخیر ہوتی ہے، یو ایس ایڈ ایک کرپٹ ادارہ ہے۔
ایلون مسک بھی حکومتی استعداد کار سے متعلق محکمے کا دفاع کرنے ٹرمپ کے ساتھ کھڑے ہوگئے، محکمہ خزانہ میں ادائیگی کا نظام ٹھیک کرنے کا وعدہ کیا، انہوں نے کہا کہ محکمہ خزانہ میں ادائیگی کے نظام میں خرابیاں دور کریں گے، میری کہی ہوئی کچھ چیزیں ٹھیک ہو سکتی ہیں۔
