نیویارک: (دنیا نیوز) اقوام متحدہ میں ایران کے مندوب نے سلامتی کونسل کا خط لکھ کر صدر ڈونلڈ ٹرمپ کے اشتعال انگیز بیانات کے سنگین نتائج ہونے سے خبردار کر دیا۔
ایرانی مندوب نے خط میں لکھا کہ ڈونلڈ ٹرمپ کے دھمکی آمیز بیانات انتہائی تشویشناک اور غیر ذمہ دارانہ ہیں، ٹرمپ کے لاپروا اور اشتعال انگیز بیانات بین الاقوامی قانون کی کھلی خلاف ورزی ہیں، سلامتی کونسل کو ایسے نامناسب بیانات کے سامنے خاموش نہیں رہنا چاہئے۔
ایرانی مندوب کا مزیدکہنا تھاکہ کسی بھی جارحیت کے سنگین نتائج برآمد ہوں گے، ذمہ داری امریکا پر ہوگی، کسی بھی جارحانہ اقدام کے خلاف خود مختاری، علاقائی سالمیت، قومی مفادات کا دفاع کریں گے۔
