روم: (دنیا نیوز) ڈبل نمونیا میں مبتلا پوپ فرانسس کی طبیعت مزید ناساز ہو گئی ہے جس کے باعث انہیں وینٹی لیٹر پر منتقل کر دیا گیا۔
88 سالہ پوپ فرانسس کو 14 فروری سے اٹلی کے ہسپتال میں داخل کیا گیا تھا جہاں ان میں ڈبل نمونیا کی تشخیص ہوئی تھی۔
ویٹی کن کی جانب سے جاری بیان میں بتایا گیا ہے کہ پوپ فرانسس کو سانس لینے میں دشواری، کھانسی اور قے کی شکایات ہیں، پوپ اپنے ہوش و حواس میں ہیں اور انہیں اضافی آکسیجن فراہم کی جا رہی ہے۔
دوسری جانب معالجین کا کہنا ہے کہ دو ہفتوں سے زائد علاج کے باوجود پوپ کی صحت میں بگاڑ تشویشناک ہے، عالمی کیتھولک برادری پوپ فرانسس کی صحت یابی کے لیے دعا گو ہے۔
