سری نگر: (دنیا نیوز) مودی کی مسلم دشمنی مہم، اپنے ہی لوگ چیخ اٹھے، پہلگام حملے کے فالز فلیگ آپریشن کے بعد بی جے پی کی نفرت انگیز سیاست کھل کر سامنے آگئی۔
ہندو مسلم فساد کو ہوا دے کر مودی سرکار مسلمانوں کے حقوق سلب کرنے میں مصروف، کشمیری مسلمانوں کو بدنام کر کے ان کے گھروں کو نشانہ بنایا جا رہا ہے۔
اتراکھنڈ میں بلڈوزر کے ذریعے متعدد مساجد اور گھر مسمار کر دیئے گئے، دہشتگردی کا جھوٹا لیبل لگا کر سیکڑوں کشمیری مسلمانوں کے گھر مسمار کر دیئے۔
دوسری جانب بھارتی عوام نے مودی کا نفرت انگیر بیانیہ مسترد کر دیا، پہلگام حملے کے دوران بھارتی سیاحوں نے کشمیری مسلمانوں کے اچھے رویے کی تعریف کی۔
بھارتی سیاح کا کہنا تھا کہ پہلگام حملے میں کشمیریوں نے بھارتی سیاحوں کی مدد کر کے انسانیت کی مثال قائم کی، کشمیری مسلمانوں نے حملے کے دوران ہماری جان بچائی اور رہنے کو چھت دی۔
سیاسی تجزیہ کار کا کہنا ہے کہ مودی کا نفرت انگیز بیانیہ بھارتی عوام کے ساتھ ساتھ عالمی سطح پر بھی مسترد کر دیا گیا ہے، مذہبی منافرت کو سیاسی طاقت بنانے پر مودی کو جوابدہ ہونا پڑے گا۔
