بندر عباس: (دنیا نیوز) ایران کی بندرگاہ پر دھماکے میں جاں بحق افراد کی تعداد 40 ہوگئی، حادثے میں 1200 افراد زخمی بھی ہوئے، متعدد کی حالت تشویشناک بتائی گئی ہے۔
ایرانی میڈیا کے مطابق دھماکے کے 30 گھنٹے گزرنے کے بعد بندرگاہ کے کچھ حصوں میں دوبارہ آگ بھڑک اٹھی، ایرانی حکومت نے بندرگاہ دھماکے کے بعد قومی یوم سوگ کا اعلان کردیا، ایرانی سپریم لیڈراور صدر نے سکیورٹی اور عدالتی حکام کو تحقیقات کا حکم دے دیا۔
ایرانی میڈیا نے مزید بتایا کہ خامنہ ای نے غفلت یا دانستہ اقدام کی نشاندہی پر سخت کارروائی کا حکم دے دیا، ایرانی صدر جائے حادثے کا جائزہ لینے کیلئے بندر عباس پہنچ گئے، دھماکہ بندرگاہ کی گیس ٹینک تنصیب میں ہوا تھا۔
ایرانی حکام کے مطابق کنٹینرز میں آتش گیر مواد کو ذخیرہ کرنے میں غفلت برتی گئی۔
