سری نگر: (دنیا نیوز) پہلگام فالز فلیگ آپریشن کے بعد بھارت کے سندھ طاس معاہدے کی معطلی پر فناشل ٹائمز کی اہم رپورٹ منظر عام پر آگئی۔
رپورٹ کے مطابق پہلگام فالز فلیگ کے بعد بھارت کے سندھ طاس معاہدے کی معطلی کے یکطرفہ فیصلے کو عالمی سطح پر شدید تنقید کا سامنا ہے، بھارت کی جانب سے سندھ طاس معاہدے کی معطلی، علاقائی سلامتی کو سنگین خطرہ ہے۔
فنانشل ٹائمز کے مطابق سندھ طاس معاہدے کی معطلی سے پاکستان اور بھارت میں آبی تناؤ بڑھنے کا خدشہ ہے، بھارت کے حالیہ اقدامات سے پانی کی سکیورٹی پر کشیدگی میں اضافہ متوقع ہے۔
.jpg)
رپورٹ کے مطابق سندھ طاس معاہدے کے طویل المدتی استحکام کو بھارت کے اقدامات سے خطرہ لاحق ہے، معاہدے کی عارضی معطلی کے دونوں ممالک پر منفی اثرات پڑ سکتے ہیں۔
فنانشل ٹائمز کے مطابق بھارت و پاکستان کو یکطرفہ اقدامات پر نظرثانی کرنی چاہیے، ماحولیاتی خطرات بڑھ رہے ہیں، فنانشل ٹائمز بھارت کا موقف خطے میں مزید عدم استحکام کا سبب بن سکتا ہے۔
رپورٹ کے مطابق پاکستان کے خلاف یکطرفہ اقدامات بھارت کی آبی سکیورٹی کے لیے بھی نقصان دہ ہیں، ماضی کے تنازعات کے باوجود سندھ طاس معاہدہ امن کی بنیاد رہا ہے۔
