اسلام آباد: (دنیا نیوز) پاکستان کیخلاف بھارتی کارروائی نے بھارتی فضائیہ کی کمزوریوں کی پول کھول دی۔
فرانسیسی اخبار کی جانب سے جدید ہتھیاروں کے باوجود بھارتی فضائیہ کی کارکردگی مایوس کن قرار دے دی گئی۔
پاکستان سے منہ توڑ جواب ملنے پر فرانسیسی اخبار نے بھارتی فضائیہ کے پائلٹس کی پیشہ ورانہ تربیت پر بھی سوال اٹھا دیا۔
فرانسیسی اخبار کے مطابق بھارت پاکستانی کارروائی میں 3 لڑاکا طیاروں کے نقصان کو تسلیم کرنے پر مجبور ہوا۔
اخبار کے مطابق یہ بڑے نقصانات بھارتی فضائیہ کی کمزوریوں کو ظاہر کرتے ہیں، دونوں ممالک کے درمیان کشیدہ تناظر کی آزادانہ تصدیق کرنا ناممکن ہے۔
