لاہور: (دنیا نیوز) پاک بھارت جنگ، بھارتی میڈیا کی فیک نیوز فیکٹریاں متحرک ہو گئیں، پاکستان کی جانب سے بھارت پر میزائل حملے کا جھوٹ بے نقاب ہو گیا۔
ذرائع کے مطابق بھارتی فوج کی جارحیت میں ناکامی اور لڑاکا طیاروں کی پاک فضائیہ کے ہاتھوں تباہی سے بھارتی میڈیا بدحواس ہو گیا، بھارتی میڈیا نے اپنی فوج اور حکومت کی ہزیمت کو چھپانے کیلئے نیا ڈرامہ شروع کر دیا۔
بھارتی میڈیا پر دکھایا جا رہا ہے کہ پاکستان کی جانب سے بھارتی پنجاب میں میزائل فائر کیا گیا ہے، حقیقت یہ ہے کہ میزائل حملے کا ڈرامہ بھی پہلگام فالز فلیگ کی طرح ہے۔
میزائل پروجیکٹائل زمین پر موجود گھاس پر پڑا ہے اور اس کے گرنے سے گھاس خراب نہیں ہوئی ہے، دوسری جانب پہلے ہی یہ خبریں گردش میں ہیں کہ مودی بھارتی پنجاب میں فالز فلیگ کرکے الزام پاکستان پر لگا سکتا ہے۔
دفاعی ماہرین کے مطابق بھارتی میڈیا اس طرح کا پروپیگنڈا کر کے دنیا کو گمراہ کرنے کی کوشش کر رہا ہے، بھارتی میڈیا مودی کے بھارتی سکھوں کو پاکستان کیخلاف ورغلانے کے منصوبے کا اہم کردار ہے۔
دفاعی ماہرین نے کہا کہ بھارتی میڈیا بغیر کسی ثبوت کے پاکستان پر الزام تراشی کو قومی فخر سمجھتا ہے۔
