اسلام آباد: (دنیا نیوز) سینیٹر عرفان صدیقی نے کہا ہے کہ بھارت کی ننگی جارحیت نے پاکستان کے آپشنز نہایت محدود کر دیئے۔
سماجی رابطے کی سائٹ ایکس پر اپنے پیغام میں سینیٹر عرفان صدیقی نے کہا کہ شہری آبادیوں پر ڈرونز کے بزدلانہ حملوں میں درجنوں معصوم شہریوں کی شہادت ہوئی، کیا اس کے بعد پاکستان کے پاس ایسی درندگی کا منہ توڑ جواب دینے کے سوا کوئی راستہ باقی رہ جاتا ہے؟۔
انہوں نے کہا کہ شکست تسلیم کرتے ہوئے سفید جھنڈے لہرانے اور مہلت ملتے ہی حملے شروع کر دینے والی منافقت کو حتمی سبق سکھانے کا لمحہ قریب آ رہا ہے۔
