لندن: (ویب ڈیسک) برطانیہ میں امیگریشن کم کرنے کے لیے بڑی اصلاحات کا اعلان کردیا گیا۔
امیگریشن کے تمام شعبوں جیسے ورک، فیملی اور سٹڈی کو سخت کیا جائے گا اور سرحدوں کا کنٹرول دوبارہ حاصل کیا جائے گا۔
برطانیہ میں امیگریشن کے لیے انگریزی زبان کا ٹیسٹ سخت کیا جائے گا اور بیرون ملک سے کیئر ورکرز کی بھرتی بھی محدود کی جائے گی جبکہ برطانیہ میں مستقل قیام کی اجازت کے لیے پانچ کی بجائے 10 برس بعد درخواست دی جا سکے گی۔
برطانوی وزیر اعظم کیئر سٹارمر کا وائٹ پیپر آج جاری ہو گا، جس کے بارے میں کہا گیا ہے کہ امیگریشن سسٹم کو کنٹرولڈ، منصفانہ اور سلیکٹیو بنایا جائے گا۔
