نئی دہلی: (دنیا نیوز) مودی کے پہلگام فالز فلیگ آپریشن پر سابق بھارتی فوجی نے دھماکہ خیز انکشافات کر دیئے۔
جعلی پہلگام حملے کے ناقابلِ تردید شواہد منظر عام پر آگئے، بھارت میں مودی پر تنقید کے وار، سابق بھارتی فوج کے اہلکار نے مودی کے فالز فلیگ ڈراموں سے پردہ اٹھا دیا۔
مودی کو کھری کھری سناتے ہوئے سابق بھارتی فوجی نے انکشاف کیا کہ ’’18 سال بھارتی فوج میں خدمات انجام دیں، پہلگام میں بھی تعینات رہا‘‘ پہلگام میں آرمی، سی آر پی ایف اور بی ایس ایف کی تین چیک پوسٹیں ہوتی تھیں۔
سابق بھارتی فوجی نے بتایا کہ بغیر مکمل تفتیش داخلہ ناممکن تھا، فوجی بھی تلاشی کے بغیر داخل نہیں ہو سکتے تھے، سکیورٹی فول پروف تھی، امیت شاہ نے ایک ہفتہ قبل اچانک دورے کے بعد تمام چیک پوسٹیں ختم کرنے کا حکم دیا۔
بھارت کے سابق فوجی نے بتایا کہ چیک پوسٹیں ختم ہونے کے محض ایک ہفتے بعد پہلگام حملہ ہو گیا، کیا یہ محض اتفاق ہے؟، مقبوضہ کشمیر میں تمام دہشتگردی کی پشت پناہی مودی اور امیت شاہ کرتا ہے۔
سابق بھارتی فوجی نے کہا کہ مودی، امیت شاہ اور آر ایس ایس پہلگام جیسے جعلی حملوں کے اصل ماسٹر مائنڈز ہیں۔
دفاعی ماہرین کے مطابق سابق بھارتی فوجی کے انکشافات نے مودی کے فالز فلیگ نیٹ ورک کا بھانڈا پھوڑ دیا، مودی سرکار انتخابی فائدے کے لیے ملک کو خون میں نہلانے سے بھی گریز نہیں کرتی۔
