واشنگٹن: (دنیا نیوز) امریکی صدر روس یوکرین جنگ بندی کیلئے متحرک ہوگئے۔
امریکی صدر ڈونلڈ ٹرمپ نے واشنگٹن میں میڈیا سے گفتگو کرتے ہوئے کہاکہ روس یوکرین جنگ بندی مذاکرات فوری شروع ہوں گے، شرائط دونوں ممالک خود طے کریں گے، روسی صدر پیوٹن سے گفتگو بہت مثبت رہی، روس جنگ بندی کے بعد امریکا کے ساتھ بڑے پیمانے پر تجارتی تعلقات چاہتا ہے۔
ڈونلڈ ٹرمپ کا کہنا تھاکہ جرمنی، فرانس، اٹلی اور فن لینڈ کو بھی اس پیشرفت سے آگاہ کر دیا گیا، واضح رہے کہ دونوں رہنماؤں کے درمیان ٹیلیفونک گفتگو 2 گھنٹے سے زائد جاری رہی تھی۔
روسی صدر کا بھی بات چیت کو مثبت اور تعمیری قرار دیتے ہوئے کہنا تھا کہ جنگ بندی کی حمایت کرتے ہیں، یوکرین کے ساتھ جنگ بندی پر مبنی یادداشت کیلئے کام کرنے کو تیار ہیں۔
