ریاض: (ویب ڈیسک) آئی ایم ایف نے مضبوط اقتصادی ڈھانچے کو سراہتے ہوئے سیاحت کے شعبے میں سعودی عرب کی ترقی کو غیر معمولی قرار دے دیا۔
میڈیا رپورٹ کے مطابق آئی ایم ایف کی رپورٹ میں بتایا گیا کہ بیرون ملک سے آنے والے سیاحوں کی تعداد میں بڑا اضافہ ہوا ہے، جس نے سعودی عرب سے باہر جانے والے رقوم کی منتقلی کا کچھ حصہ پورا کیا اور 2024ء میں موجودہ کھاتوں کے معمولی خسارے کو کم کرنے میں مدد دی۔
2024ء میں بیرون ملک سے آنے والے سیاحوں کی تعداد نئے ریکارڈ قائم کرتے ہوئے تقریباً 30 ملین تک جا پہنچی، جو 2023کے مقابلے میں 8 فیصد زیادہ ہے۔
اس عرصے میں بیرون ملک سے آنے والے سیاحوں کے کل اخراجات تقریباً 169 ارب ریال تک پہنچے جو گزشتہ سال کے مقابلے میں 19 فیصد زیادہ ہیں۔
