تہران: (دنیا نیوز) ایرانی سکیورٹی فورسز نے جنوبی مغربی علاقے میں کارروائی کے دوران 6 عسکریت پسند ہلاک کر دیئے جبکہ 2 افراد کو گرفتار کرلیا گیا۔
ایرانی میڈیا تمام عسکریت پسند ایران کے صوبے سیستان بلوچستان میں سکیورٹی فورسز کے ساتھ فائرنگ کے تبادلے میں مارے گئے، ہلاک عسکریت پسندوں کا تعلق اسرائیل سے ہے اور عسکریت پسند اسرائیلی خفیہ ایجنسی موساد کے زیر تربیت رہے۔
ایرانی حکام کی جانب سے بتایا گیا ہے کہ ہلاک ہونے والے عسکریت پسندوں میں سے ایک کے علاوہ سب غیرملکی تھے، شہریت نہیں بتائی گئی۔
یاد رہےکہ ایران کے جنوب مشرقی علاقے میں گزشتہ روز مسلح افراد کے حملے میں 5 پولیس اہلکار جاں بحق ہوئے تھے۔
