واشنگٹن: (دنیا نیوز) چارلی کرک کے قتل کا کیس کی سماعت ہوئی۔
امریکی عدالت نے ملزم ٹائلز رابنسن کی درخواست ضمانت مسترد کردی، امریکی عدالت نے فیصلے میں کہا کہ ٹائلر رابنسن کو ضمانت نہیں دی جا سکتی۔
خبر ایجنسی کے مطابق ملزم ٹائلز رابنسن کوویڈیو لنک کے ذریعے عدالت میں پیش کیا گیا۔
واضح رہے کہ امریکی قدامت پسند تجزیہ کارچارلی کرک کو قاتلانہ حملے میں ہلاک کر دیا گیا تھا، امریکی صدرڈونلڈ ٹرمپ نے چارلی کرک کی ہلاکت کی تصدیق کرتے ہوئے کہا تھا کہ امریکی نوجوانوں کے خیالات کرک سے بہتر کوئی نہیں سمجھ سکا
چارلی کرک یوٹا ویلی یونیورسٹی میں فائرنگ سے شدید زخمی ہوئے تھے، ان کی سرجری کی گئی جو کامیاب نہ ہو سکی، چارلی کرک کے قاتل کو گرفتار کر لیا تھا، چارلی کرک کو ٹرانس جینڈرز سے متعلق تقریر کے دوران گولی ماری گئی تھی۔
کرک یوکرینی حکومت کو بھی کڑی تنقید کا نشانہ بناتے رہے تھے، کرک یوکرین کو فوجی امداد کے مخالف تھے، وہ روس سے سفارتی تعلقات کی بحالی کی بھی وکالت کرتے تھے۔
