ایریزونا: (دنیا نیوز) امریکی صدر ڈونلڈ ٹرمپ نے کہاکہ چارلی کرک نے نوجوانوں کو کامیابی کا راستہ دکھایا۔
امریکی صدر ڈونلڈ ٹرمپ نے چارلی کرک کی یاد میں ایریزونا میں تعزیتی تقریب سے خطاب کرتے ہوئے کہا کہ ملک بھر میں میری انتخابی مہم چلائی، چارلی حق کی بات کرتا تھا اس لئے اسے قتل کیا گیا۔
ڈونلڈ ٹرمپ نے کہا کہ ایک سال پہلے امریکا کی بری حالت تھی اب مستحکم ہے، دوسرے ملکوں نے ٹیرف سے فائدہ اٹھایا اور امیر ہو گئے، شکاگو کو جرائم سے پاک کریں گے، آٹزم کا حل ڈھونڈ لیا ہے، کل بڑا اعلان کرونگا۔
تقریب میں جے ڈی وینس، ایلون مسک اور دیگر نے بھی شرکت کی، امریکی صدر ڈونلڈ ٹرمپ نے چارلی کرک کی خدمات کو خراج تحسین پیش کیا، چارلی کرک کی اہلیہ نے شوہر کے قاتل کو معاف کرنے کا اعلان کیا۔
