بنکاک: (دنیا نیوز) تھائی لینڈ اور کمبوڈیا کے درمیان فوری طور پر جنگ بندی پر اتفاق ہو گیا۔
تھائی لینڈ اور کمبوڈیا کے سرکاری ذرائع ابلاغ نے بتایا کہ تھائی لینڈ کمبوڈیا کے درمیان جنگ بندی تین روز سے جاری مذاکرات کے بعد ہوئی ہے۔
تھائی لینڈ اور کمبوڈیا کی جانب سے مشترکہ بیان میں کہا گیا ہے کہ فوجیوں کی نقل و حرکت منجمد اور سرحدی علاقوں کے شہریوں کو گھر واپسی کی اجازت پر بھی اتفاق ہوا ہے۔
بتایا گیا ہے کہ ان مذاکرات کے دوران تھائی لینڈ اور کمبوڈیا تخریب کاری اور سائبر کرائم کا مقابلہ کرنے میں ایک دوسرے کے ساتھ تعاون پر بھی رضا مند ہو گئے ہیں۔
