اسلام آباد: (دنیا نیوز) اوگرا نے عوام پر ایل پی جی بم گرا دیا، ایل پی جی کی فی کلو قیمت میں ساڑھے نو روپے کا اضافہ کیا گیا۔
تفصیلات کے مطابق عوام پر اوگرا نے ایک مہنگائی کا بم گرا دیا، مسلسل مہنگائی میں پسی ہوئی عوام کے لیے ایل پی جی کی فی کلو قیمت میں ساڑھے 9 روپے کا اضافہ کیا گیا ہے، ایل پی جی کا 11.8 کلوگرام گھریلو سلنڈر 114 روپے مہنگا کردیا گیا۔
اوگرا کی طرف سے جاری کیے گئے نوٹیفکیشن کے مطابق ایل پی جی کی نئی قیمت 129 روپے 68 پیسے فی کلو ہو گئی ہے، ایل پی جی کے گھریلو سلنڈر کی نئی قیمت 1530 روپے مقرر کر دی گئی، نئی قیمتوں کا اطلاق نومبر کیلئے ہو گا۔
یاد رہے کہ اکتوبر میں ایل پی جی کے گھریلو سلنڈر کی قیمت 1416 روپے مقرر تھی
یہ بھی پڑھیں: پٹرول کی قیمت میں ایک روپے 57 پیسے فی لٹر کمی کر دی گئی
اس سے قبل ملک بھر میں آئندہ ماہ کے پہلے پندرہ روز کے دوران پٹرول کی قیمت میں 1 روپے 57 پیسے فی لٹر کی کمی کر دی گئی۔ جس کے بعد پٹرول کی نئی قیمت 102 روپے 40 پیسے فی لٹر ہو گئی ہے۔
Govt decided to reduce prices of Ms Petrol by Rs1.57/litter & High Speed Diesel by Rs0.84/litter
— Ministry of Finance (@FinMinistryPak) October 31, 2020
New prices will be as under:
Ms Petrol Rs102.40/ltr
High Speed Diesel Rs103.22/ltr
Kerosene Oil Rs65.29/ltr
Light Diesel Oil Rs62.86/ltr
New prices will be applicable from 1st Nov2020 pic.twitter.com/9SqipwhDe7
وزارت خزانہ کے اعلامیہ کے مطابق ڈیزل کی قیمت میں فی لٹر 84 پیسے کمی کر دی گئی ہے، جس کے بعد ڈیزل کی نئی قیمت 103 روپے 22 پیسے فی لٹر ہو گئی ہے۔
تاہم مٹی کے تیل اور لائٹ ڈیزل کی موجودہ قیمتیں برقرار رہیں گی۔ مٹی کے تیل کی قیمت 65 روپے پر برقرار رہے گی۔ لائٹ ڈیزل کی قیمت 62.86 روپے پر برقرار رہے گی۔
