اسلام آباد: (دنیا نیوز) وزیراعظم عمران خان کے مشیر برائے تجارت اور سرمایہ کاری عبد الرزاق داؤد کا کہنا ہے کہ رواں مالی سال کے پہلے 6 ماہ میں ہوم ٹیکسٹائل کی برآمدات 16 فیصد اضافہ ہوا۔
سماجی رابطے کی ویب سائٹ ٹویٹر پر وزیراعظم کے مشیر برائے تجارت کا کہنا تھا کہ ٹیکسٹائل سیکٹر کے برآمدات میں اضافے کو برقرار رکھنے پر خوشی ہے۔ رواں مالی سال کے پہلے 6 ماہ میں ہوم ٹیکسٹائل کی برآمدات 16 فیصد اضافہ ہوا۔
مشیر تجارت نے لکھا کہ جولائی تا دسمبر ہوم ٹیکسٹائل کی برآمدات 2017 ملین ڈالر رہیں، ریڈی میڈ گارمنٹس 25 فیصد اضافہ سے 1181 ملین ڈالر ہوگئیں۔
It is heartening to note that textiles sector is maintaining its export growth. The figures for Jul-Dec 2020 show that the exports of Home Textiles increased by 16% to USD 2,017 million, Readymade Garments by 25% to USD 1,181 million and Tents/Canvas by 57% to USD 62 million. 1/3 pic.twitter.com/qMXXJCoOLF
— Abdul Razak Dawood (@razak_dawood) January 13, 2021
انہوں نے مزید لکھا کہ ٹینٹ، کینوس کی برآمدات 57 فیصد اضافے سے 62 ملین ڈالر تک پہنچ گئیں۔ نان ٹیکسٹائل سیکٹر کی برآمدات میں صحتمند نمو بھی حوصلہ افزا ہے۔ جولائی تادسمبر دواسازی کی برآمدات 25 فیصد اضافہ سے 138 ملین ڈالر ہوگئیں۔ ایتهل الکوحل کی برآمدات 14 فیصد اضافے سے 182 ملین ڈالرز تک پہنچ گئیں۔
