لاہور: (ویب ڈیسک) ملک بھر کی مقامی مارکیٹوں میں سونے کی قیمت میں 100 روپے کا اضافہ ریکارڈ کیا گیا۔
تفصیلات کے مطابق بین الاقوامی مارکیٹ میں فی اونس سونے کی قیمت میں مسلسل اضافہ دیکھنے کو مل رہا ہے، جس کے باعث عالمی مارکیٹ میں قیمت 7 امریکی ڈالر بڑھنے کے بعد 1863 امریکی ڈالر ہو گئی ہے۔
دوسری طرف ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالہ، راولپنڈی، فیصل آباد سمیت دیگر جگہوں پر فی تولہ سونے کی قیمت 100 روپے اضافے کے بعد ایک لاکھ 13 ہزار 450 روپے ہو گئی ہے۔
اُدھر فی تولہ سونے کی طرح دس گرام سونےکی 85 روپے اضافے سے 97 ہزار 265 روپے ہو گئی ہے۔
تاہم فی تولہ اور دس گرام چاندی کی قیمتوں میں استحکام ریکارڈ کیاگیا اور حسب روایت قیمتیں بالترتیب 1300 روپے اور 1114.50 روپے کی سطح پر برقرار ہے۔
