تازہ ترین
  • بریکنگ :- وزیراعظم کاوژن ہےکہ ملک میں کوئی بھوکانہ سوئے،ثانیہ نشتر
  • بریکنگ :- قرآن مجیداورسنت مستحقین کوکھاناکھلانےکی ترغیب دیتی ہے،ثانیہ نشتر
  • بریکنگ :- پروگرام نجی سیکٹرکےاشتراک سےشروع کیاجارہاہے،ثانیہ نشتر

لاہور: یوٹیلٹی اسٹورز پر اشیائے ضروریہ نایاب، شہری لمبی قطاروں کے باوجود خالی لوٹنے پر مجبور

Published On 08 April,2021 09:30 am

لاہور: (دنیا نیوز) لاہور میں یوٹیلٹی اسٹورز پر بنیادی اشیائے ضروریہ نایاب ہو گئیں، صرف ایک، ایک کلو گھی چینی اورآٹے کے لیے مرد و خواتین گھنٹوں طویل قطاروں میں لگنے پر مجبورہیں۔

اشیائے ضروریہ کی فراہمی کو یقینی بنانے کے سب دعوے ہوا ہوئے۔ جب صرف ایک ایک کلو چینی اور گھی حاصل کرنے کے لیے مرد و خواتین اور بچے گھنٹوں تک قطاروں میں لگنے پر مجبور ہوجائیں لیکن چار چار گھنٹوں تک کھڑے رہنے کے بعد بھی صرف ناکامی ہی ہاتھ لگے تو جذبات کا کیا عالم ہوگا۔

رمضان المبارک کی آمد کے تناظر میں یہ صورت حال مزید افسوس ناک ہوجاتی ہے لیکن دوسری طرف حکام کے دعوے دیکھے جائیں تو محسوس ہوتا ہے جیسے سب کچھ ٹھیک چل رہا ہے۔ حقیقت یہ ہے کہ اب بنیادی اشیائے ضروریہ کا حصول بھی مشکل تر ہوچکا ہے۔

دوسری طرف حکام نے ایک مرتبہ پھر دعوی کیا ہے کہ اشیا کی سپلائی کی صورتحال جلد بہتر ہو جائے گی۔