لاہور: (ویب ڈیسک) ملک بھر میں مسلسل بڑھنے والی سونے کی قیمت میں کمی آنے لگی۔
تفصیلات کے مطابق بین الاقوامی مارکیٹ میں فی اونس سونے کی قیمت میں ایک امریکی ڈالر کی کمی ریکارڈ کی گئی اور نئی قیمت 1955 ڈالرز فی اونس ہو گئی ہے۔
دوسری طرف ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، راولپنڈی، ملتان ، فیصل آباد سمیت دیگر جگہوں پر فی تولہ سونے کی قیمت میں پچاس روپے کی کمی ریکارڈ کی گئی اور نئی قیمت ایک لاکھ 31 ہزار 450 روپے ہو گئی۔
اُدھر 10 گرام سونے کا بھاؤ 43 روپے کم ہوکر 112697 روپے ہو گیا ہے۔
