لاور: (ویب ڈیسک) ملک بھر میں ایک مرتبہ پھر فی تولہ سونے کی قیمت میں ہزاروں روپے کا بڑا اضافہ دیکھا گیا۔
تفصیلات کے مطابق بین الاقوامی مارکیٹ میں سونے کی فی اونس قیمت میں 52 ڈالر کا اضافہ دیکھا گیا اور نئی قیمت 1760 ڈالر ہو گئی ہے۔
عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، حیدرآباد، ملتان، راولپنڈی، اسلام آباد، پشاور اور کوئٹہ و دیگر جگہوں پر فی تولہ سونے کی قیمت میں 2250 روپے کا بڑا اضافہ دیکھا گیا اور نئی قیمت 1 لاکھ 55 ہزار 400 روپے ہوگئی ہے۔
اُدھر دس گرام سونے کی قیمت 1929 روپے اضافے کے بعد 1 لاکھ 33 ہزار 230 روپے کی سطح پر پہنچ گئی۔
مزید برآں چاندی کی قیمت میں بھی اضافہ ہوا اور فی تولہ چاندی 20 روپے اضافے کے بعد 1680 روپے جبکہ دس گرام چاندی 17 روپے 15 پیسے بڑھنے کے بعد 1440 روپے 32 پیسے تک پہنچ گئی۔
