کراچی: (دنیا نیوز) کے الیکٹرک کے صارفین کیلئے بجلی 7 روپے 83 پیسے فی یونٹ سستی ہونے کا امکان ہے۔
کے الیکڑک نے نیشنل الیکٹرک پاور ریگولیٹری اتھارٹی (نیپرا) میں جولائی سے ستمبر کی سہ ماہی ایڈجسٹمنٹ کی درخواستیں دائر کر دی ہیں، نیپرا کے الیکڑک کی درخواستوں پر 30 نومبر کو سماعت کرے گا۔
کے الیکٹرک کی درخواست پر سہ ماہی ایڈجسٹمنٹ کی مد میں بجلی7 روپے 83 پیسے فی یونٹ سستی ہونے کاامکان ہے جب کہ اکتوبرکی ماہانہ ایڈجسٹمنٹ کی مد میں بھی بجلی ایک روپے 88 پیسے سستی ہونے کا امکان ہے۔
ماہانہ فیول ایڈجسٹمنٹ سے صارفین کو 3 ارب 15 کروڑ 70 لاکھ روپے کا ریلیف ملے گا۔
