اسلام آباد: (دنیا نیوز) وزارت خزانہ کی اقتصادی رابطہ کمیٹی نے اجلاس کے دوران ملک بھر میں مختلف منصوبوں کیلئے گرانٹس کی منظوری دے دی۔
نگران وزیر خزانہ ڈاکٹر شمشاد اختر کی زیر صدارت ای سی سی کا اجلاس منعقد ہوا، اجلاس میں ای سی سی نے وزارت ہوا بازی کیلئے 50 کروڑ روپے کی سپلیمنٹری گرانٹ سمیت خیبر پختونخوا میں سیلاب سے متاثرہ علاقوں کیلئے بھی گرانٹ منظور کرلی۔
اعلامیے کے مطابق اجلاس میں لاہور میں صاف پانی پراجیکٹ کیلئے ڈیڑھ ارب روپے اور وزارت تعلیم و تربیت کیلئے 7ارب 15 کروڑ روپے ، وزارت ہاؤسنگ کیلئے 39 کروڑ 96 لاکھ روپے کی گرانٹ کی منظوری دے دی گئی۔
— Ministry of Finance, Government of Pakistan (@Financegovpk) February 1, 2024
اجلاس میں اقتصادی رابطہ کمیٹی کو ملک میں گندم کے ذخائر اور طلب پر بریفنگ دی گئی، گلگت بلتستان میں سستے داموں گندم کی فراہمی کی سمری بھی منظور کرلی گئی۔
ساتویں مردم شماری کی مد میں 4 ارب روپے کی تکنیکی گرانٹ اور وزارت توانائی کی فنانسنگ ریٹ سے متعلق سمری بھی منظور کرلی گئی۔
