اسلام آباد: (دنیا نیوز) نگران وزیر خزانہ ڈاکٹر شمشاد اختر کے زیرصدارت اقتصادی رابطہ کمیٹی کا اجلاس ہوا، ای سی سی نے ماہ رمضان کے دوران سبسڈی کی منظوری دے دی۔
وزارت خزانہ کے مطابق ماہ رمضان کیلئے 7 ارب 49 کروڑ 27 لاکھ روپے کی سبسڈی دی جائے گی جو اشیائے ضروریہ کیلئے ہو گی۔
اجلاس میں درآمدی یوریا کھاد پر وفاق کے حصے کی سبسڈی کی رقم بھی منظور کی گئی، وفاق اور صوبے درآمدی یوریا پر 50/50 فیصد شیئرنگ کے تحت سبسڈی دیں گے۔
— Ministry of Finance, Government of Pakistan (@Financegovpk) February 13, 2024
وزارت خزانہ کے مطابق 1263 میگاواٹ کے تھرمل پاور پلانٹ کی کمیشننگ کی بھی منظوری دے دی گئی، ای سی سی اجلاس میں شماریات بیورو نے مہنگائی پر رپورٹ پیش کر دی۔
