کراچی: (دنیا نیوز) پاکستان سٹاک مارکیٹ میں کاروبار کا اختتام منفی زون میں ہوا۔
کاروباری ہفتے کے تیسرے روز کاروبار کے آغاز پر سٹاک ایکسچینج میں تیزی دیکھنے میں آئی، 500 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 13 ہزار 327 پوائنٹس کی حد کو چھو گیا۔
بعدازاں ٹریڈنگ کے دوران سٹاک مارکیٹ مندی میں چلی گئی اور کاروبار کا اختتام منفی زون میں ہوا، 490 پوائنٹس کی کمی کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 12 ہزار 253 پوائنٹس کی سطح پر بند ہوا۔
آج سٹاک مارکیٹ میں ٹریڈنگ کے دوران 26 کروڑ مالیت شیئرز کا کاروباری حجم 13 ارب روپے سے زائد رہا۔
واضح رہے کہ گزشتہ روز 756 پوائنٹس کے اضافہ کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 12 ہزار 743 پوائنٹس کی سطح پر بند ہوا تھا۔
