کراچی: (دنیا نیوز) پاکستان سٹاک ایکسچینج میں ایک لاکھ 13 ہزار پوائنٹس کی حد پھر بحال ہوگئی۔
کاروباری ہفتے کے چوتھے روز کاروبار کے آغاز پر ہی سٹاک مارکیٹ میں تیزی دیکھنے میں آئی، ٹریڈنگ کے دوران پاکستان سٹاک ایکسچینج میں ہنڈرڈ انڈیکس ایک لاکھ 13 ہزار 871 پوائنٹس کی حد کو چھو گیا۔
تاہم کاروباری دن کے اختتام پر 1400 سے زائد پوائنٹس کے اضافے کے ساتھ انڈیکس ایک لاکھ 13 ہزار 713 پوائنٹس پر بند ہوا۔
واضح رہے کہ گزشتہ کاروباری دن کے اختتام پر 490 پوائنٹس کی کمی کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 12 ہزار 253 پوائنٹس کی سطح پر بند ہوا تھا۔
دوسری جانب انٹر بینک میں امریکی کرنسی 7 پیسے سستی ہوئی جس کے ساتھ انٹر بینک میں ڈالر 279.87 روپے سے کم ہو کر 279.80 روپے پر آگیا ہے۔
