کراچی: (دنیا نیوز) سٹیٹ بینک آف پاکستان کے زرمبادلہ کے ذخائر میں ہفتہ وار بنیادوں پر 27 ملین ڈالر کا اضافہ ہوا ہے۔
سٹیٹ بینک کی جانب سے جاری کردہ تازہ اعداد و شمار کے مطابق 28 فروری کو ختم ہونے والے کاروباری ہفتے میں ملک میں کل زرمبادلہ کے ذخائر 15.87 ارب ڈالر رہے، کمرشل بینکوں کے پاس موجود خالص زرمبادلہ کے ذخائر 4.62 ارب ڈالر رہے۔
اعلامیے کے مطابق سٹیٹ بینک کے ذخائر 28 فروری 2025 کو ختم ہونے والے کاروباری ہفتے کے دوران 2 کروڑ 70 لاکھ ڈالر اضافے سے 11 ہزار 249.5 ملین ڈالر ہوگئے۔
واضح رہے کہ گزشتہ ہفتے سٹیٹ بینک کے زرمبادلہ کے ذخائر میں 21 ملین ڈالر کا اضافہ ہوا تھا۔
