پشاور: (دنیا نیوز) وائس چیئرمین بورڈ آف انویسٹمنٹ حسن مسعود کنور نے کہا ہے کہ خیبر پختونخوا عالمی سرمایہ کاری کی جانب گامزن ہے۔
وائس چیئرمین بورڈ آف انویسٹمنٹ حسن مسعود کنور کا کہنا تھا کہ خیبر پختونخوا بورڈ آف انویسٹمنٹ بین الاقوامی سطح پر صوبے کے کاروباری مواقع اجاگر کرے گا۔
انہوں نے کہا کہ وزیراعلیٰ خیبرپختونخوا علی امین گنڈا پور کی ہدایت پر ٹوکیو میں دو بڑی بزنس کانفرنسز کا انعقاد کیا جائے گا۔
حسن مسعود کنور نے کہا کہ خیبر پختونخوا کا وفد جاپانی سرمایہ کاروں اور بزنس لیڈرز سے ملاقاتیں کرے گا۔
انہوں نے کہا کہ خیبر پختونخوا کو عالمی سرمایہ کاری کا مرکز بنانے کیلئے ہر سطح پر عملی کوششیں جاری ہیں۔
حسن مسعود کنور نے کہا کہ خیبر پختونخوا بورڈ آف انویسٹمنٹ کی اوساکا ایکسپو کی تیاریاں مکمل کر لی ہیں، مشیر خزانہ مزمل اسلم بھی کانفرنسز میں شریک ہوں گے۔
