کراچی: (دنیا نیوز) پاکستان سٹاک مارکیٹ میں زبردست تیزی کے باعث ایک لاکھ 40 ہزار پوائنٹس کی حد بحال ہوگئی تاہم کاروبار روز کا اختتام منفی زون میں ہوا۔
کاروباری ہفتے کے تیسرے روز سٹاک ایکسچینج میں کاروبار کے آغاز پر مثبت رجحان دیکھنے میں آیا، 700 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 40 ہزار 202 پوائنٹس کی سطح پر پہنچ گیا۔
بعدازاں ٹریڈنگ کے دوران سٹاک مارکیٹ میں اچانک مندی چھاگئی جو کاروباری روز کے اختتام تک برقرار رہی جس کے باعث ہنڈرڈ انڈیکس 165 پوائنٹس کی کمی کیساتھ ایک لاکھ 39 ہزار 254 پوائنٹس کی سطح پر بند ہوا۔
واضح رہے کہ گزشتہ کاروباری روز کے اختتام پر سٹاک ایکسچینج میں ہنڈرڈ انڈیکس 1202 پوائنٹس کے اضافے کیساتھ ایک لاکھ 39 ہزار 419 پوائنٹس کی سطح پر بند ہوا تھا۔
