کراچی: (دنیا نیوز) عالمی مارکیٹ میں سونے کی قیمتوں میں کمی کے باعث پاکستان میں بھی سونے کے نرخ کم ہوگئے۔
بین الاقوامی مارکیٹ میں فی اونس سونے کی قیمت ایک ڈالر کمی کیساتھ 3336 ڈالر ہوگئی جبکہ پاکستان میں فی تولہ سونے کی قیمت میں 100 روپے اور دس گرام سونے کی قیمت میں 85 روپے کی کمی ریکارڈ کی گئی۔
قیمتوں میں کمی کے باعث مقامی صرافہ بازاروں میں فی تولہ سونے کی قیمت 3 لاکھ 56 ہزار 300 روپے اور دس گرام سونے کی قیمت 3 لاکھ 5 ہزار 470 روپے ہوگئی۔
