سٹاک مارکیٹ میں نئی تاریخ رقم! انڈیکس ایک لاکھ 41 ہزار پوائنٹس کی حد بھی عبور کر گیا

کراچی: (دنیا نیوز) پاکستان سٹاک مارکیٹ نئی تاریخ رقم کرتے ہوئے ہنڈرڈ انڈیکس ایک لاکھ 41 ہزار پوائنٹس کی حد بھی عبور کر گیا۔

کاروباری ہفتے کے پانچویں اور آخری روز بھی کاروبار کے آغاز پر سٹاک ایکسچینج میں تیزی دیکھنے میں آئی، پہلے ٹریڈنگ سیشن کا اختتام مثبت زون میں ہوا، انڈیکس 483 پوائنٹس بڑھ کر پہلی بار 1 لاکھ 39 ہزار 873 پوائنٹس کی نفسیاتی حد پر بند ہوا۔

تاہم کاروباری روز کے اختتام پر سٹاک مارکیٹ بلندیوں کی نئی سطح پر پہنچ گئی جس کے باعث ہنڈرڈ انڈیکس 1644 پوانٹس اضافے کیساتھ ایک لاکھ 41 ہزار 34 پوائنٹس کی بلند ترین سطح پر بند ہوا۔

سٹاک مارکیٹ میں آج 43 ارب 12 کروڑ 38 لاکھ 99 ہزار 139 روپے مالیت کے 30 کروڑ 45 لاکھ 18 ہزار 537 شیئرز کا لین دین ہوا۔

واضح رہے کہ گزشتہ کاروباری روز کے اختتام پر ہنڈرڈ انڈیکس 978 پوائنٹس کے اضافے کیساتھ ایک لاکھ 39 ہزار 390 پوائنٹس کی سطح پر بند ہوا تھا۔