کراچی: (دنیا نیوز) عالمی و مقامی سطح پر سونے کی قیمتوں میں اتار چڑھاؤ کا سلسلہ جاری ، پاکستان میں آج 1300 روپے فی تولہ مہنگا ہوگیا۔
بین الاقوامی مارکیٹ میں فی اونس سونے کی قیمت 13 ڈالر اضافے کیساتھ 3366 ڈالر ہوگئی جبکہ پاکستان میں فی تولہ سونے کی قیمت میں ایک ہزار 300 روپے اور دس گرام سونے کی قیمت میں ایک ہزار 114 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 3 لاکھ 59 ہزار 300 روپے اور دس گرام سونے کی قیمت 3 لاکھ 8 ہزار 41 روپے ہوگئی ہے۔
