ملک بھر میں سونے کی قیمت میں آج بھی ہزاروں روپے کا اضافہ

کراچی: (دنیا نیوز) ملک بھر میں سونے کی قیمت میں مزید اضافہ ہوگیا۔

آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونا 2900 روپے بڑھ کر 3 لاکھ 62 ہزار 200 روپے پر پہنچ گیا جبکہ 10 گرام سونے کی قیمت 2487 روپے کے اضافے سے 3 لاکھ 10 ہزار 528 روپے ہوگئی ہے۔

عالمی مارکیٹ میں 29 ڈالر کے اضافے سے فی اونس سونا 3395 ڈالر کا ہوگیا۔

گزشتہ روز 24 قیراط کے حامل فی تولہ خالص سونے کی قیمت ایک ہزار 300 روپے بڑھ کر 3 لاکھ 59 ہزار 300 روپے ہوگئی تھی۔

اسی طرح 24 قیراط 10 گرام سونا ایک ہزار 114 روپے مہنگا ہو کر 3 لاکھ 8 ہزار 41 روپے میں فروخت ہوا جبکہ 22 قیراط 10 گرام سونے کے نرخ 1,022 روپے بڑھ کر 2 لاکھ 82 ہزار 381 روپے ہوگئے۔