کراچی: (دنیا نیوز) پاکستان سٹاک ایکسچینج میں آج کاروبار کا ملا جلا رجحان رہا تاہم کاروباری روز کے اختتام پر ہنڈرڈ انڈیکس منفی زون میں بند ہوا۔
کاروباری ہفتے کے آخری روز کاروبار کے آغاز پر 100 انڈیکس میں 900 سے زائد پوائنٹس کا اضافہ ریکارڈ کیا گیا جس کے بعد انڈیکس ملکی تاریخ کی بلند ترین ایک لاکھ 46 ہزار 813 کی سطح پر پہنچ گیا۔
بعدازاں ٹریڈنگ کے دوران اچانک مندی چھاگئی جو کاروباری روز کے اختتام تک برقرار رہی جس کے باعث ہنڈرڈ انڈیکس 264 پوائنٹس کی کمی کے ساتھ ایک لاکھ 45 ہزار 382 پوائنٹس کی سطح پر بند ہوا۔
سٹاک مارکیٹ میں آج 37 ارب 15 کروڑ 36 لاکھ 52 ہزار 217 روپے مالیت کے 27 کروڑ 67 لاکھ 40 ہزار 75 شیئرز کا لین دین ہوا۔
واضح رہے کہ گزشتہ روز بھی انڈیکس نے بڑی چھلانگ لگا کر پہلی مرتبہ ایک لاکھ ، 46 ہزار کی حد عبور کر لی تھی۔
