کراچی: (دنیا نیوز) عالمی مارکیٹ میں سونے کی قیمتوں میں کمی کے باعث پاکستان میں بھی سونے کے نرخ کم ہوگئے۔
بین الاقوامی مارکیٹ میں فی اونس سونے کی قیمت 36 ڈالر کمی کیساتھ 3 ہزار 361 ڈالر کی سطح پر آگئی جبکہ پاکستان میں فی تولہ سونے کی قیمت میں 3 ہزار 600 روپے اور دس گرام سونے کی قیمت میں 3 ہزار 86 روپے کی کمی ریکارڈ کی گئی۔
قیمتوں میں کمی کے باعث مقامی صرافہ بازاروں میں فی تولہ سونے کی قیمت 3 لاکھ 58 ہزار 800 روپے اور دس گرام سونے کی قیمت 3 لاکھ 7 ہزار 613 روپے کی سطح پر آگئی۔
