کراچی: (دنیا نیوز) پاکستان سٹاک ایکسچینج میں آج کاروبار کا ملا جلا رجحان رہا تاہم کاروبار کا اختتام منفی زون میں ہوا۔
کاروباری ہفتے کے دوسرے روز بھی سٹاک ایکسچینج میں کاروبار کا مثبت آغاز ہوا، کاروبار شروع ہوتے ہی 100 انڈیکس میں 400 سے زائد پوائنٹس کا اضافہ ریکارڈ کیا گیا جس سے انڈیکس ایک لاکھ 49 ہزار 247 پوائنٹس پر پہنچ گیا۔
بعدازاں ٹریڈنگ کے دوران سٹاک مارکیٹ میں اچانک مندی چھائی گئی جو کاروباری روز کے اختتام تک برقرار رہی جس کے باعث ہنڈرڈ انڈیکس 380 پوائنٹس کی کمی کیساتھ ایک لاکھ 48 ہزار 435 پوائنٹس کی سطح پر بند ہوا۔
واضح رہے کہ گزشتہ روز کاروباری دن کے اختتام پر انڈیکس 677 سے زائد پوائنٹس کی کمی کے ساتھ انڈیکس ایک لاکھ 48 ہزار 815 پوائنٹس کی کم ترین سطح پر بند ہوا تھا۔
سٹاک مارکیٹ میں آج 19 ارب 90 کروڑ 24 لاکھ 66 ہزار 422 روپے مالیت کے 16 کروڑ 19 لاکھ 25 ہزار 715 شیئرز کا لین دین ہوا۔
