اسلام آباد: (دنیا نیوز) پاکستان بھر سے جولائی میں لیےگئے مزید 10 ماحولیاتی نمونوں کے نتائج جاری کردیئے گئے۔
نیشنل ایمرجنسی آپریشن سینٹر کے مطابق دیامر، جنوبی وزیرستان، لاہور اور راولپنڈی کے نمونوں میں پولیو وائرس کی تصدیق ہوئی ہے، نمونوں میں پولیو وائرس ٹائپ ون پایا گیا ہے جو پولیو وائرس کی سب سے خطرناک قسم ہے۔
اس کے علاوہ این ای او سی نے بتایا کے ملک بھر میں قومی انسداد پولیو مہم یکم سے 7 ستمبر تک جاری رہے گی جس دوران 5 سال سےکم عمر کے 2 کروڑ 80 لاکھ بچوں کو قطرے پلائے جائیں گے، یہ مہم چاروں صوبوں اور تمام ریجنز کے 99 اضلاع میں منعقد کی جائے گی۔
این ای او سی نے اپیل کرتے ہوئے کہا ہے کہ والدین بچوں کو لازمی پولیو کے قطرے پلوائیں۔
