لاہور: (دنیا نیوز) لاہور الیکٹرک سپلائی کمپنی (لیسکو) نے سولر صارفین پر مزید بوجھ ڈال دیا۔
اس حوالے سے جاری کئے گئے نوٹیفکیشن کے مطابق سولر صارفین کے کنکشن پر اب صرف اے ایم آئی میٹر لگے گا، اے ایم آئی میٹر کی قیمت 70 ہزار روپے ہے۔
ذرائع لیسکو نے مزید بتایا کہ اس سے قبل میٹر کی قیمت 35 ہزار روپے کے لگ بھگ تھی۔
دوسری جانب درخواست کنندہ سولر صارفین کو کنکشن فراہمی روک دی گئی ہے، وزارت توانائی کے کہنے پر اقدام کیا جا رہا ہے۔
