اسلام آباد:(دنیا نیوز) گیارہویں این ایف سی کیلئے اجلاس کل ہوگا، وزارت خزانہ نے چاروں صوبوں کو میٹنگ کیلئے دعوت دی ہے۔
وزیرخزانہ محمد اورنگزیب این ایف سی تعارفی میٹنگ کی صدارت کریں گے، نئے این ایف سی ایوارڈ پر آئی ایم ایف بھی آن بورڈ رہے گا۔
وزارت خزانہ کے ذرائع کا کہنا تھا کہ چاروں صوبوں کے وزرائے خزانہ، ٹیکنوکریٹ کمیشن کے ممبر شریک ہوں گے، پنجاب سے ناصر محمود کھوسہ، سندھ سے اسد سعید کمیشن میں شریک ہوں گے۔
اِسی طرح بلوچستان سے محفوظ خان، کے پی سے مشرف رسول ممبر شریک ہوں گے، اجلاس میں شرکت کیلئے تمام این ایف سی ارکان کو دعوت دی گئی ہے۔
ذرائع نے مزید بتایا کہ ایوارڈ سے متعلق سفارشات، ذیلی گروپس قائم کرنے کا جائزہ ایجنڈے کا حصہ ہے، مستقبل کے اجلاسوں کے حوالے سے لائحہ عمل مرتب کیا جائے گا۔
دوسری جانب اجلاس میں وفاقی سیکرٹری خزانہ کمیشن آفیشل ایکسپرٹ ہوں گے۔
