کراچی: (دنیا نیوز) عالمی اور مقامی مارکیٹوں میں سونے کی قیمتیں بڑھ کر تاریخ کی بلند ترین سطح پر آگئیں۔
بین الاقوامی بلین مارکیٹ میں فی اونس سونے کی قیمت مزید 23ڈالر کے اضافے سے 4ہزار 533ڈالر کی سطح کی نئی بلند سطح پر آگئی جبکہ پاکستان میں فی تولہ سونے کی قیمت میں 2300 روپے اور دس گرام سونے کی قیمت میں 1972 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 4 لاکھ 75 ہزار 662 روپے اور دس گرام سونے کی قیمت 4 لاکھ 7 ہزار 803 روپے کی بلند ترین سطح پر پہنچ گئی۔
دوسری جانب فی تولہ چاندی کی قیمت بھی 462 روپے کے اضافے سے 8ہزار 407روپے کی بلند سطح پر آگئی ہے۔
