کامران اکمل کی شاندار سینچری، قلندرز کو 7 وکٹوں سے شکست

Last Updated On 16 March,2018 08:27 pm

شارجہ میں کھیلے جا رہے پاکستان سپر لیگ (پی ایس ایل تھری) کے 29ویں میچ میں پشاور زلمی نے لاہور قلندرز کو 7 وکٹوں سے شکست دیدی ہے۔ لاہور قلندرز نے پہلے کھیلتے ہوئے زلمی ٹیم کو جیت کیلئے 173 رنز کا ہدف دیا تھا جو اس نے صرف 3 وکٹوں کے نقصان پر حاصل کر لیا۔

100 comes up for Kamran Akmal!
Watch ball by ball highlights at https://t.co/VecuwvxcJ3 #LQvPZ #HBLPSL #PSL2018 @_cricingif pic.twitter.com/CIl8Vf4pQb
— PakistanSuperLeague (@thePSLt20) March 16, 2018

پشاور زلمی کی جانب سے کامران اکمل کامیاب بلے باز رہے جنہوں نے جارحانہ انداز اپناتے ہوئے صرف 61 گیندوں کا سامنا کرتے ہوئے 7 چھکوں اور 11 چوکوں کی مدد سے 107 رنز کی شاندار اننگز کھیلی اور ناٹ آؤٹ رہے۔ دیگر بلے بازوں میں محمد حفیظ 27 جبکہ سعد نسیم 17 رنز بنا کر نمایاں رہے۔

Saad Nasim scores the match-winning 4. Peshawar Zalmi won by 7 wickets!
Watch ball by ball highlights at https://t.co/VecuwvxcJ3 #LQvPZ #HBLPSL #PSL2018 @_cricingif pic.twitter.com/U61Te4X7Vy
— PakistanSuperLeague (@thePSLt20) March 16, 2018

اس سے قبل لاہور قلندرز نے ٹاس جیت کر پہلے بیٹنگ کا فیصلہ کیا جو اتنا سود مند ثابت نہ ہوا۔ قلندرز کی جانب سے صرف اے پی ڈیوسچ کامیاب بیٹسمین رہے جنہوں نے 42 گیندوں کا سامنا کرتے ہوئے 7 چھکوں اور 2 چوکوں کی مدد سے 70 رنز بنائے۔ ان کے علاوہ آغا سلمان 28، گلریز صدف 26 جبکہ سہیل اختر 30 رنز بنا سکے تھے۔

پشاور زلمی کی جانب سے حسن علی نے دو وکٹیں حاصل کیں جبکہ سمین گل اور وہاب ریاض کے حصے میں ایک، ایک وکٹ آئی۔ دوسری جانب لاہور قلندرز کی جانب سے یاسر شاہ 2 جبکہ کے جے ایبٹ نے ایک وکٹ حاصل کی۔