دبئی میں کھیلے جا رہے پلے آف میں کراچی کنگز کے کپتان آئن مورگن نے ٹاس جیت کر پہلے بیٹنگ کا فیصلہ کیا ہے۔ اسلام آباد یونائیٹڈ کی ٹیم کو اس میچ میں کپتان مصباح الحق کی خدمات حاصل نہیں جو کلائی کی انجری کا شکار ہیں اور ان کی جگہ جین پال ڈومینی ٹیم کی قیادت کر رہے ہیں۔
We are all set for the first Play-off, Kings are taking on United for a spot in the final of #HBLPSL 2018. Misbah-ul-Haq is not playing due to injury, JP Duminy is leading Islamabad United this evening. #DilSeJaanLagaDe #IUvKK pic.twitter.com/x0IkmQ6bKG
— PakistanSuperLeague (@thePSLt20) March 18, 2018
آج کے میچ میں جو ٹیم کامیاب ہوگی وہ فائنل کے لیے کراچی کی اڑان بھرے گی۔ اور ہارنے والی ٹیم کو ایونٹ میں رہنے کے لیے ایک اور موقع ملے گا، جو دوسرے کوالیفائینگ میچ کی فاتح ٹیم سے کھیلے گی۔
یاد رہے کہ دوسرا کوالیفائنگ میچ کوئٹہ گلیڈی ایٹرز اور پشاور زلمی کے درمیان 20 مارچ کو لاہور میں کھیلا جائے گا جبکہ اس میگا ایونٹ کا فائنل 25 مارچ کو نیشنل سٹیڈیم کراچی میں ہوگا جس کے لیے تیاریاں عروج پر پہنچ چکی ہیں۔
