اسلام آباد: (ویب ڈیسک) پی ایس ایل کی فاتح ٹیم اسلام آباد یونائیٹڈ کے کھلاڑیوں نے سید علی رضا نقوی کی قیادت میں صدر مملکت ممنون حسین سے ملاقات کی۔
صدر مملکت ممنون حسین نے اس موقع پر کہا کہ پاکستان میں کرکٹ بحالی کا کریڈٹ پی ایس ایل کو جاتا ہے، میگا ایونٹ کے انعقاد سے دہشتگردی کو شکست ہوئی، عوام کی اس ایونٹ میں بھرپور شمولیت سے دنیا بھر میں مثبت پیغام گیا۔
صدر پاکستان نے نوجوان کھلاڑیوں کی کارکردگی کی بھی تعریف کی، انہوں نے کھلاڑیوں کو فٹنس پر بھرپور توجہ دینے کی نصیحت کی۔اس موقع پر یونائیٹڈ کے کپتان مصباح الحق نے صدر مملکت کو شکریہ ادا کیا۔ ان کا یہ بھی کہنا تھا کہ کرکٹ کی بحالی سے کئی شعبہ جات میں نئے مواقع پیدا ہونگے اور کرکٹ کی صنعت کو دوام ملے گا۔
