لاہور: (دنیا نیوز) شاہینوں کا آج سے انگلینڈ میں پہلا امتحان، سرفراز الیون انگلش کاؤنٹی کینٹ کیخلاف میدان میں اترے گی۔ 4 روزہ پریکٹس میچ سہ پہر تین بجے شروع ہو گا۔
کینٹربری کے ٹھنڈے موسم میں قومی ٹیم کی تیاریاں مکمل ہو گئیں، کھلاڑیوں نے فٹنس کے لئے جاندار مشقیں کیں، بلے بازوں نے بھی نیٹ میں لمبی بیٹنگ کی اور بولروں نے بھی ردھم کے لئے خوب پسینہ بہایا۔ سلپ فیلڈرز کو بھی تگڑی پریکٹس کروائی گئی۔
شاہین آج انگلینڈ میں پہلا میچ کھیلیں گے، سرفراز الیون کا انگلش کاؤنٹی کینٹ سے چار روزہ پریکٹس میچ سہ پہر تین بجے شروع ہوگا تاہم آج بارش کا بھی امکان ہے۔ پاکستان کا آئر لینڈ کیخلاف اولین ٹیسٹ 11 مئی سے کھیلا جائے گا۔
