لاہور: (دنیا نیوز) خاتون کرکٹر کا کہنا تھا کہ کھیل میں خواتین نرم و ملائم ہاتھوں کے بجائے، صرف مضبوط بازوؤں سے ہی لوہا منوا سکتی ہیں۔ ان کے اس پیغام کے سوشل میڈیا پر چرچے ہو رہے ہیں۔
ثنا میر کیرئیر میں کئی بار ایسے اشتہارات میں کام کرنے سے منع کر چکیں ہیں جن کا تعلق خواتین کے جسمانی حسن کی مصنوعات سے تھا۔ ٹی ٹونٹی کپتان بسمہ معروف نے بھی اپنے ٹویٹ میں ثنا میر کی حمایت کی۔ آسٹریلوی خاتون کرکٹر میل جونز نے ری ٹویٹ میں کہا کہ نوجوانوں میں خود اعتمادی، کمپنیوں کی جیبیں بھرنے سے زیادہ اہم ہے۔ وسیم اکرم کی اہلیہ شنیرا کہتی ہیں کہ ثنا میر جیسی خواتین پاکستان کا فخر ہیں۔
