ایڈنبرا: (دنیا نیوز) پاکستان ٹیم کی ایڈنبرا میں پریکٹس جاری، اسکاٹ لینڈ کے خلاف 2 میچز کی سیریز کا پہلا ٹی ٹونٹی 12 جون کو کھیلا جائے گا۔
اسکاٹ لینڈ کے خلاف دو ٹی ٹونٹی میچز کی سیریز، شاہینوں نے ایڈنبرا میں خوب پریکٹس کی۔ قومی بلے بازوں نے بیٹنگ کی خامیوں کو دور کیا جبکہ عثمان شنواری، شاداب خان اور حسن علی نے باؤلنگ میں خوب پسینا بہایا۔ فہیم اشرف کہتے ہیں کہ پریکٹس سے بہت فائدہ ہورہا ہے اور وہ اپنی باؤلنگ سے مطمئن ہیں۔
واضح رہے کہ پاکستان اور اسکاٹ لینڈ کے درمیان دو میچوں کی سیریز کا پہلا ٹی ٹونٹی منگل کو ایڈنبرا میں کھیلا جائے گا۔
