کراچی: (دنیا نیوز) کراچی میں ویسٹ انڈیز کے خلاف سیریز کے لیے قومی ویمن کرکٹ ٹیم کی سخت تیاریاں شروع ہو گئیں، لڑکوں کے ساتھ پریکٹس کی۔ سابق کپتان جویریہ خان کہتی ہیں کہ پندرہ سال بعد وِنڈیز کا دورہ پاکستان خوش آئند ہے۔
شہر قائد میں ویمن کرکٹ کا انٹرنیشنل میلہ سجنے کو ہے، عالمی چیمپئن ویسٹ انڈیز کی آمد آمد ہے جس کے لئے قومی خواتین کھلاڑیوں نے پریکٹس شروع کر دی اور بوائز کے ساتھ میچ کی پریکٹس کی۔
تربیتی کیمپ میں بیٹنگ، بولنگ اور فیلڈنگ کی زبردست ٹریننگ ہوئی، سابق کپتان جویریہ خان کہتی ہیں کہ وِنڈیز کا دورہ پاکستان خوش آئند ہے، سیریز جیتنے کی کوشش کریں گی۔
کیربینز ویمن ٹیم تین ٹی ٹوئنی اور تین ہی ون ڈے میچز کی سیریز کے لیے تیس جنوری کو روشنیوں کے شہر پہنچے گی۔
