پشاور: (دنیا نیوز) پاکستان کی معروف پشتو گلوکارہ گل پانڑہ کو پشاور زلمی، زلمی فاونڈیشن اور گلوبل زلمی کی ریجنل برانڈ ایمبیسیڈر مقرر کر دیا گیا۔
پشاور زلمی کے چیئرمین جاوید آفریدی نے اپنے ٹوئٹر پیغام کے ذریعے گل پانڑہ کو ریجنل برانڈ ایمبیسیڈر مقرر کرنے کا اعلان کیا۔ پاکستان اور بالخصوص خیبر پختونخواہ میں اپنی آواز سے لاکھوں فینز کے دلوں میں جگہ بنانے والی گلوکارہ کے بارے میں جاوید آفریدی کا کہنا تھا کہ گل پانڑہ سیزن ون سے پشاور زلمی کی سپورٹر رہی ہیں۔ پشاور زلمی کے ساتھ ساتھ زلمی فاونڈیشن کی سرگرمیوں خصوصا ویمن اینڈ یوتھ ایمپاورمنٹ میں بھی گل پانڑہ شریک رہیں گی۔
گلوکارہ نے پشاور زلمی کا حصہ بننے پر خوشی کا اظہار کرتے امید ظاہر کی کہ زلمی ٹیم، پی ایس ایل فور میں اپنی کارکردگی سے ایک بار پھر شائقین کرکٹ کا دل جیتنے میں کامیاب رہے گی۔ انہوں نے زلمی فاونڈیشن کے ذریعے خیبر پختونخواہ میں ویمن اینڈ یوتھ ایمپاورمنٹ اور زلمی سکول لیگ، زلمی مدرسہ لیگ اور ہائیر زلمی ہنڈرڈ پچز پراجیکٹ جیسے مثالی پروگرام منعقد کرنے پر چیئرمین پشاور زلمی جاوید آفریدی کو مبارکباد دی۔
گل پانڑہ نے پی ایس ایل سیزن ون کے لیے پشاور زلمی کے نغمہ تیار کیا تھا جس نے مقبولیت حاصل کی تھی۔ سیزن فور کے لیے بھی گلوکارہ جلد زلمی اینتھم ریلیز کریں گی۔
